反黑粤语1.0

　　 　　时隔6年 　　获得唔少好评嘅“反黑”系列 　　终于宣布开拍续集啦 　　今次艺人阵容强大 　　集齐好多大家熟悉嘅面孔 　　崔碧珈、汤怡、 　　黄依汶、吴志雄等会“冧庄”谢天华、谭耀文、 　　陈炜、张慧仪等艺人会加盟 　　 　　 　　原班人马中嘅陈小春、 　　陈国邦会继续参演 　　陈小春喺第一部中 　　饰演一名卧底警察 　　由曾经嘅“山鸡” 　　一下子变chok爆嘅“凤凰哥” 　　同“李小龙”陈国邦 　　一起里应外合拍住上 　　同新嘅恶霸们周旋 　　快节奏打斗场面够晒激烈 　　还原港剧“古惑仔”嘅江湖味道 　　今次除咗原班人马回归 　　第一部留低伏笔嘅谢天华 　　都有份参演第二部 　　而且角色更加有挑战性喔 　　Laughing哥同山鸡哥 　　两位“大湾仔”好老友 　　喺综艺节目上“重聚” 　　先係“相爱相杀” 　　跟住又回忆“那些年的友情岁月” 　　参加完综艺后 　　两位再拍档演江湖剧 　　默契满分，更胜旁人 　　仲将大家对《古惑仔》记忆 　　勾翻晒出嚟 　　而10年冇拍剧嘅欧阳靖 　　今次都要出山啦 　　宣传活动上 　　佢同laughing哥同框 　　即时重启一波 　　《潜行狙击》回忆杀 　　据闻欧阳靖今次会饰演 　　一个搞搞震嘅社团人物 　　提到可以同偶像合作 　　佢都紧张兼激动 　　猛咁摆手话：“会做好自己本分” 　　///// 　　乐小姐嘅心头爱陈滢 　　一样有份参演《反黑2》 　　今次佢会演一个日本华侨喔 　　陈滢透露 　　自己已经开始学紧日文 　　再同“视帝”陈山聪拍对手戏 　　二人关系、身份设置 　　都非常有挑战性哦 　　喺《美丽战场》入面 　　佢哋係师徒关系 　　喺“反黑”中就会组CP 　　唔知二人会擦出咩火花呢？ 　　///// 　　据闻今次剧集耗资过亿 　　天华都忍唔住爆响口话 　　剧组可能会请埋金像奖“影帝” 　　罗拔迪尼路&安东尼·鹤健士 　　齐齐嚟客串喔 　　（just可能咯） 　　除咗艺人阵容强大 　　呢次剧情都会更激、更复杂 　　而且会有60集咁长 　　咁大投资嘅港剧 　　真系几令人期待噶！ 　　信息来源：微博、剧照等 　　网络信息综合 　　编辑：饶禧 　　审核：曾敏妍 　　签发：骆苹 　　扫描下方二维码订阅【微店】羊晚文创线上商店【淘宝】羊晚生活馆【邮政】中国邮政微邮局▼ 　　 　　>>> 　　一次过get可乐报详细内容 　　 　　羊城晚报报业集团旗下的粤语生活类报纸，广东省唯一一份粤语刊物。广州至潮至IN的吃喝玩乐，湾区潮流资讯风向，统统喺晒度！ 　　微信公众号、微博、微信视频号、喜马拉雅 @可乐生活Color 　　哗哩哗哩、小红书 @Color班马 　　抖音@可乐生活 　　官方商务合作QQ：1902182069（请注明来意） 　　官方微信号：靓仔可乐君（handsomecolor）（请注明来意）